Temos por diante nove meses de experiencias e aprendizaxe, e dende a ANPA queremos poñernos á vosa disposición para facermos o camiño xuntos. A experiencia dinos que canto máis estreita sexa a colaboración entre as casas e a escola, mellor é o resultado, e a ANPA é o vehículo que o posibilita.
Así que convidamos a todas as familias a asociarvos e participar, para facer aínda máis fluída a comunicación co centro, e para colaborar en todo o posible co equipo docente e profesional da escola.
 |
| Visita á aula de 5º Primaria. Fotografía: Faro de Vigo (Adrián Rei) |
E, para comezar o curso, onte martes día 12, recibimos a visita do Concelleiro de Educación, D. Román Rodríguez e da Concelleira de Infraestruturas e Vivenda, Dna. Ethel Vázquez, acompañados polo delegado territorial da Xunta en Pontevedra, D. José Manuel Cores Tourís, o xefe territorial de Educación, D. César Pérez Ares, así como do alcalde e da concelleira de Educación do Concello da Estrada.
O acto serviu como presentación do novo servizo de transporte compartido posto en marcha neste curso e que, no noso colexio, afecta á liña da empresa Express de Vea.
Aproveitando a visita, tanto a dirección do centro coma os membros da ANPA, transmitímoslle ao concelleiro e as autoridades presentes as necesidades do noso colexio a nivel de mellora das infraestruturas.